tawar saparu

Takisah urang udik handak tulak ka kota..., ngaran nya turijul bin kursani
“turijul.., bila ikam tulak ka kota kaina..,” ujar abah nya bapasan
“hati-hati ikam apabila handak batutukar barang atawa pakaian .., karana di kota urang ma andak haraga larang-larang.., jadi ikam harus manawar saparu.., kalau parlu labih saparu..!”
“Beres bah ai.., ulun kada bataha tatipu, biar kada suah ka kota .., ulun mangarti haja” ujar turijul
“ingatakanlah.., tawar saparu tarus..!”
“iih.., hah..! ulun gin tahuai..!”

Tulak turijul ka kota banjarmasin.., sampai ka banjar parut lapar..,
Lalu singgah ka warung makan
“cil.., barapa nasi sapiring..,” turijul batakun
“tujuh ribu..,” ujar acil warung
“tiga ribu lima ratus haja laah..?”
“uuu.., kada kawa.., kada kawa bisa barugian kami..,”
Kada jadi makan turijul.., batakun pulang ka warung subalah, ditawarnya pulang saparu.., kada mau jua orang.., tapaksa turijul manahan lapar
“biar mati kalaparan aku kada mau makan.., tiwas kada mau ditawar..!!” ujar turijul sambil bajalan ka pasar hanyar handak manukar baju, pilih–pilih baju lalu batakun haraganya..,
“mang.., baju nangini barapa haraganya mang..!!”
“Nang itu kah.., lima puluh ribu..,”
“Salawi haja mang lah..,”
“u.., kada kawa salawi ribu.., lamun ikam handak jua biaram ampat puluh lima ribu..,”
“dua puluh dua satangah hajalah..,” ujar turijul
“aii.., kanapa baturun baturun manawar.., kaya ini hajanah.., bayari ha ampat puluh ribu..,”
“dua puluh ribu haja..,” ujar turijul pulang
“nah.., kanapa pulang baturun manawar.., pamulaan tadi manawar salawi.., lalu dua puluh satangah.., kanapa di turunakan pulang jadi dua puluh ribu.., ikam ni manawar kah.., handak mambawai bakalahi kah..,”
“kada.., ulun kada wani bakalahi.., ulun ingat pasan abah banarai.., ujar sidin tawar saparu tarus..,”
Mandam si padagang.., lalu mancari akal..,
“uuu.., kaya itu kah.., ayuja aku maandak haraga baju ini lah supaya baakuran kita.., saratus ribu..!!”
“lima puluh ribu haja lah..,??” ujar turijul
“ambil ha.., barapa lambar handak..,?” ujar padagang
“dua lambar barapa..,?”
“dua lambar saratus ribu”
“lima puluh ribu haja lah..,”
“muyaaak..!! orang gila sakalinya .., bajauh jin..,!!”

Balasam Julak

Waktu itu hari arba, takumpul lawan julak imun di mutur colt,
Tumatan kandangan handak ka banjar, pas di parjalanan asikai, ada nang sambil mambaca, ada jua nang sambil tingau-tingau kakanan kakiri
Kada sampat lawas ada nang handak muak di balakang kadudukan sidin, apa urang tadi mambawa minyak angin haja kada, apalagi balasam, satumat-tumat urang tadi bakahak handak muak,
imbah anu palingau-palingau mancangangi urang kalau-kalau ada nang mambawa balasam atawa minyak angin
mungkin urang tadi kada tahan lagi, malihat ai lawan julak imun nang mambawa balasam
“uuy.., julak injam balasamnnya pang, aku kada tahan lagi” ujar urang tadi
“jangan..!!” jar julak imun
Tadiam urang tadi.., kada lawas bakiyau pulang urang tadi
“uuy.., julak balasamnya pang”
“jangan..,!!” jar julak imun pulang
Saking kasalnya urang tadi mahadangai sakira julak imun taguring.., kada lawas julak imun taguring, lalu balasam tadi di ambilnya ai bagamat, habis di ambil dibuka ai tutupnya, saking kada tahan lagi, handak muak sudah lalu manculit ai langsung di gusukakan ka kapala.., kada sampat lawas manggalalau orang tadi muak!
Napang rasa bau balasam haja gin kada, nang ada babau haruk kaya tahi.., habang muha sidin, jadi bapandir ai urang tadi
“uyy julak balasam apa nang pian bawa tadi bau haruk..,”
“han.., !” jar julak imun “jaku jangan, jangan tu..!”
“di dalam kutak balasam tadi cagaran handak ku bawa bapariksa ka duktur di banjar”
(sakalinya tahi julak imun nang di dalam balasam )
Mandam urang tadi.., ampih balaluan muaknya